Recents in Beach

ذیابیطس کنٹرول کرنے کے لئے کیا چیز استعما ل کریں

 

ذیابیطس کو کنٹرول کرنے کے لئے ڈاکٹرزسب سے پہلےمیٹھا کھانا بند کرتے ہیں۔ اس کے ساتھ ساتھ بہت سے موسمی پھل بھی بند کر دئیے جاتے ہیں۔ لیکن ہم نہیں جانتے کہ ہم جو روٹی بھی کھا رہے ہیں، اس میں بھی کاربوہائیڈریٹ موجود ہے۔اور اس کی وجہ سے بھی شوگر میں فرق پڑتا ہے۔ شوگر کم کرنے کے لئے ہمیں بہت سی چیزوں کا خیال رکھنا پڑتا ہے،اپنی صحت کی طرف سے لاپرواہی شوگر کے ساتھ ساتھ کئی دوسری بیماریوں میں مبتلا کر دیتی ہے ۔ شوگر کے مریضوں کے لئے ضروری ہے کہ وہ چہل قدمی کو اپنی عادت بنالیں اسکے ساتھ میٹھا کھانا بند کریں۔

موسم کے پھل ایسے کھائیں جن میں مٹھاس کے ساتھ ہلکی ترشی بھی ہو،مکمل میٹھے پھلوں سے اجتناب کریں۔ پھل کاٹ کر کھائیں ان کا جوس یا شیک بنا کر نہ پئیں۔ اگر آپ شوگر کی گولیاں استعمال کر رہے ہیں تو یہ نسخہ استعمال کرنے کے بعد اورپہلے شوگر کا ریکارڈ ضرور رکھیں کہ پہلے کتنی تھی اوراب کتنی ہے۔

نسخہ

جو 40 گرام

السی کے بیج 20 گرام

میتھی دانہ 20 گرام

کلونجی 20 گرام

اجوائن 10 گرام

ان سب چیزوں کو ملا کر پیس لیں اور پاؤڈر بنالیں۔ ایک چمچ صبح اور ایک چمچ رات کو کھائیں۔اور جس دن بد پرہیزی کر لیں اس دن 3 دفعہ کھا لیں۔ اس میں کیونکہ ساری نیچرل چیزیں ہیں اسلئے اس سے کوئی نقصان نہیں ہوتا۔ 15 دن کھائیں اور اس کے بعد اپنی شوگر چیک کروائیں ،اللہ نے چاہا تو آپ کی گولیاں آہستہ آہستہ چھوٹ جائیں گی۔ لیکن اس کے لئے شرط یہی ہے کہ ساتھ پرہیز بھی کیا جائے اور صحت مند طرز زندگی کی طرف آیا جائے۔


Post a Comment

0 Comments